【本報訊】本報上周報道ASM太平洋（522）旗下深圳子公司有員工自殺，以及員工涉嫌因工作環境污染而患上白血病（俗稱血癌）事件，ASM行政總裁李偉光昨回應稱：「員工意願係返家鄉休養，公司會盡量協助，賠償仲探討緊。」
員工想返家鄉休養
李偉光續稱，從中國現行法律來看，該名患病者（明鯤鵬）仍是公司員工。「公司都會將佢當成員工看待，而且公司都出錢喺深圳租咗個單位畀佢父母住，方便照顧佢。因為深圳環境冇咁舒服，所以員工想返家鄉，公司會盡量幫佢。」惟他表示，賠償方案暫未有定案。
另外，李偉光又表示，母公司去年減持公司股份至40.08%，是由於母公司股價與資產淨值出現折讓，母公司股東為套現，故在分拆荷蘭公司業務及減持ASM之間，決定選擇後者，套現兼派息，預期未來母公司不會有減持計劃。
首季賺795萬瀉95%
集團昨公佈今年首季業績，純利795.2萬元，按年跌95.42%，按季則扭虧為盈。
李偉光預期，半導體市場將會緩慢復蘇，2014年會迎來轉機。集團首季定單按季上升22.6%，至3.07億美元。