為咗提高員工對公司歸屬感，唔少大企業都有股份獎勵或儲蓄供款計劃，滙豐控股（005）好早設立僱員股份儲蓄計劃，畀全球各地員工參與，子公司恒生（011）員工亦可分享。
新供應商未接手
以往每年業績後，集團都會公佈新一個年度嘅儲蓄定價，但由於負責管理計劃嘅供應商唔續約，獅子行搵緊人接手，早前透過內聯網公佈，未有新定價，員工即刻議論紛紛，以為集團計劃取消呢項德政。
發言人就澄清，支持員工持有公司股份，正就呢項計劃作新安排，絕非cut筆直。獅子行啱啱裁減逾千名英國員工，早前又改革當地員工退休福利制度，真係好難怪有人誤會。