A貨係強國嘅著名特產，相信唔少港人都中過招，學聯前秘書長陳倩瑩都係最新受害人。Daisy喺facebook貼咗條訊息，原來facebook內有個人叫做陳瑩瑩，聲稱喺學聯「就讀」，來自廣州、住在香港；單單睇個咁相近嘅名以及同學聯嘅「關係」，實在易令唔識Daisy嘅人諗起：呢個係咪學聯嗰個女仔呀？
Daisy對有人疑似冒認自己似乎有啲哭笑不得，轉貼喺自己facebook，仲話留言「如果我有咁靚都唔錯」。唔少佢嘅朋友留言贈興，有朋友讚Daisy「天然」兼「厚」道好多，亦有朋友懷疑佢犯太歲。查實學聯唔係教育機構，想做A貨嘅人要做多啲功課嘞。