最近內地禽流感肆虐，不禁令人想起03年沙士襲港情景。原來十年前嘅今日（4月25日），正正係恒指創出當時熊市低位8409點嘅日子，由2000年科網熱潮高位18300點水平計，累積跌幅約54%，唔少股民重創。
當年疫情奪去多條人命，全城帶口罩變身幪面超人情景，相信唔少市民依然記憶猷新。睇番當年熱炒嘅沙士概念股，竟然同十年後嘅禽流感概念股一模一樣。主打維他命C嘅石藥（1093），同埋有賣板藍根嘅同仁堂（1666）就係最佳例子，證明概念呢樣嘢，係可以翻叮再翻叮。至於十年前後最大分別，就一定係大市交投，當年今日嘅成交額，只係得幾十億貨仔，𠵱家每日就算有五六百億，都被形容為成交疏落！