澳洲旅遊局早前為六份筍工進行招聘，入圍結果終於有嘞，當局喺4.5萬多條嚟自全球嘅應徵短片中，為六份筍工各選出25位入圍者。
呢150個可能得米人士，分別嚟自34個國家，包括英、美、法、澳，中國同台灣。咪住，點少得香港？香港都有兩位男士入圍呀。
Chris Leung應徵昆士蘭國家公園巡護員，佢喺應徵短片中扮鬼扮馬，例如爬樹扮樹熊，盡顯活力同對自然生態嘅熱愛。
應徵北領地內陸冒險家嘅Raven Cheng，則喺短片大晒遊走全球自然奇景嘅特別經歷。評審委員會稍後為每份筍工各選三強，6月中去澳洲最後甄選。
Chris Leung入圍短片： http://goo.gl/oUQUw
Raven Cheng入圍短片： http://goo.gl/hCo3q
