當大家以為中聯辦前主任彭清華因挺梁失策而被調配邊疆之時，彭清華用行動證明，自己仲未失寵㗎。事關現為廣西壯族自治區黨委書記嘅佢，日前率領近300人代表團訪台，展開經貿文化交流。咪睇小呢次訪問呀，今次係中共十八大後，第一個省委書記級領導嘅訪台團，備受矚目
彭清華此行同唔少台灣政商界人士見面，抵埗後先後同國民黨榮譽主席吳伯雄同連戰會面，連戰仲以「老朋友」形容彭清華，大讚佢喺香港表現出色。彭清華噚日去旺旺集團同總裁蔡衍明會面。熱切招商嘅彭清華話呢次要向台介紹「廣西機遇」，據報郭台銘等富豪對開拓、利用廣西商機好有興趣，實際簽幾多錢合約，暫時未知。