【銅鑼灣】富豪劉鑾雄（大劉）同陳凱韻（甘比）嘅囡囡秀樺真係越大越可愛，加埋細仔「Mini大劉」Joseph Junior，難怪大劉對甘比照顧有加異常寵愛。
計落大女秀樺已經開始讀幼稚園，甘比同所有香港家長一樣，都唔想仔女輸喺起跑線上面，所以除咗正式返學之外，佢幫秀樺報讀咗好多課外班。之前就見甘比湊囡囡喺跑馬地返課外班，前日又見到佢帶囡囡喺銅鑼灣一間叫Mini Minds嘅英語中心進修英文。大概5點鐘首先見到甘比嘅一個保鑣企咗喺英語中心樓下等，十分鐘之後甘比喺另一個攞住遮嘅保鑣陪同下，抱住囡囡落樓。
蛋糕𠱁囡囡
甘比冇將架車泊喺樓下禁區，但又怕落雨，所以佢要急步行大概一分鐘，轉埋彎先返到架勞斯萊斯度，而司機一早已經用紙巾開定門等兩母女上車，然後隨行嘅部份保鑣就上返泊喺後面嘅七人車。當架勞斯萊斯駛離開嘅時候，甘比已經急不及待從保鑣手上接過一早買定的Cova蛋糕用嚟𠱁囡囡。
採訪、攝影：梁繼光
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/