立法會今日起有議員拉布，相信唔少議員已經準備各式方法kill time，智能電話、平板電腦、叉電器呢三寶點能夠唔傍身，否則隨時喺議會悶到發霉。八方亦相信，議員會趁呢個黃金機會各出奇謀，博出位兼博上鏡，例如工聯會王國興，可能會再寫大字「抗議」喎。
講得出「昨天的因，今天的果」諷刺狼英嘅林大輝，都有套消磨拉布時間好方法，就係「睇剪報，等剪布」。大輝話喎，今次拉布係馬拉松式，如果要被迫留喺會議廳困獸鬥，個人認為最好嘅kill time方法，就係攞秘書處平日準備畀議員嘅剪報，逐一細閱，借分析時勢過日辰都唔錯吖。