淨心BB日前突然甩底嶺大嘅論壇，搞到成班「心迷」好失望，但查實當日講者仲有民建聯「元秋」蔣麗芸，可惜大家掛住淨心BB而忽略元秋，只有少數傳媒有報道元秋嘅發言。點知元秋噚日喺facebook留言，話有傳媒「老作」佢嘅言論。
乜嘢事令元秋動氣？原來有傳媒引述佢喺論壇話：「《基本法》規定政府要用GDP 20%嚟發展貿易」。身為工業界老將嘅佢睇完好火滾，反駁點會講埋啲咁荒謬嘅嘢？澄清自己只係話過《基本法》第107條要求香港財政預算要量入為出，仲要同本地生產總值率相適應咋，佢好在有錄音為證，希望大家唔好屈佢喎。