黃翠如同洪永城主持嘅無綫旅遊節目《走過浮華大地》，出街冇耐就接獲多宗投訴，被踩冇深度、主持英文唔掂等等。呢兩日開始播湯鎮業侄女湯洛雯同洪永城遊法國，噚日湯洛雯喺新城接受訪問時話：「我會接受批評，自我改進。之前遊英國嘅黃翠如資歷比我深，我唔敢同佢比較，會向佢請教。」另外，今年港姐又想搞一人一票民選，港姐出身嘅湯洛雯話好贊成，仲會提名朋友參選。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓ http://hk.movies.nextmedia.com/