雖然里奧費迪南仲未決定同曼聯續約，但紅魔確認，會喺下季季前幫佢舉行一場紀念賽。雖然日期同對手未定，但照咁睇，里奧應該好大機會留喺曼聯。領隊費格遜話：「我同里奧傾過，我認為留隊係佢嘅最好選擇，但佢𠵱家最關心係幫紀念賽搵對手。我哋都好想佢留低，我相信里奧同佢經理人遲早會搵大衛（基爾）傾續約。」里奧喺02年由列斯聯加盟，已經效力紅魔超過10年。