【投資策略】
大半生在股票市場打滾的李福兆，雖然早已從市場抽身離去，惟他並沒有全身而退，角色只是由監管者變為投資者。對李福兆來說，投資已經不再是為了贏大錢，而是慰藉退休後的清閒人生，「要嚟過日辰，如果唔係會好寂寞囉！」
中銀中電夠穩陣
已經「隱居」泰國19個年頭的李福兆，並沒有與金融圈脫節，而他對香港的股票依舊瞭如指掌。記者亦即場趁機向「股壇教父」請教投資之道，李福兆一面笑說「我𠵱家亂咁噏咋，唔係叫你去買」，但另一面已忍不住將心水「公諸同好」，「好似中銀香港（2388），你想好快發達就唔好買，你想好穩陣就絕對唔怕買……China Light（中電，002），人人都要點燈，又係隻好股票。」除咗穩陣派股票外，他亦推介進取型股份，「上落大啲嘅有和黃（013）、九倉（004）都係好股票……」
李福兆近年只落注股票掛鈎票據（ELN）。「我覺得直接就咁落注去買股票同埋債券係一個好大賭博。因為日日都起落，起一蚊你就賺一蚊，跌一蚊你就蝕一蚊。」現時不再直接買股票及債券，改為主攻ELN，「咁我一年期都有10%，𠵱家利息咁低，10%係一個好好嘅回報。」