【大坑】黃秋生同傳過緋聞嘅女助手Moon近排經常出雙入對，行街、買餸連食飯飲酒都見佢哋一齊，認真friend到爆。前晚9點幾佢哋又一齊出動去咗大坑一間酒吧餐廳食飯飲酒，而早幾日仲係一頭金髮嘅阿Moon已經將頭髮染番深色，佢哋揀咗喺吧枱排排坐，其間秋生仲即場表演棟篤笑，𠱁到阿Moon四萬咁口。食到一半兩個人都煙癮起，走咗出室外食煙，就算發現有記者都一於少理，食完煙就入返去繼續吹水。另外，內地嘅跳水節目終於出事，有明星嘅助手溺死，秋生前晚喺微博發言話：「玩命節目，他們不想清楚的嗎？建議叫明星去跳樓，看誰命大，收視更佳。」
採訪、攝影：徐錦池、陳辰
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/