少爺占的棟篤笑騷前晚在北角新光戲院演出尾場，有剛在北極跑馬拉松的梁烈唯做嘉賓，唯唯除去皮褸僅穿恤衫，阿占笑言：「噚晚嘉賓林一峰知道今晚唯唯嚟，叫我代佢摸唯唯嘅腹肌。」唯唯坦認曾經俾男仔追。
騷上少爺占辣着不少圈中人：「知唔知吳彤係邊個？啱啱舉手話係基佬嗰個。城城做gym張海報條褲好短，我成日幻想佢做運動時條褲會跌，但幻想得太多我怕變小美。我同華仔係有分別，因為結婚我會認。」完全不怕得罪人。完騷後問阿占會否擔心激嬲小美？他笑言：「我愛佢，我哋愛城城，𠵱家乜話題都扯向城城。」
另外，唯唯被指跟郭富城和熊黛林之間的第三者苟芸慧稔熟，他力撐苟姑娘說：「理佢小三小四小五，佢大學畢業，唔信佢做小三。」
採訪：李珮洳
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/