【本報資料】明晚谷草用C跑道，天文台預測日間時間有陽光，估計場地掛牌為好地。
跑法：最近3月27日C跑道八場賽事，其中七場有一至三檔馬上名，且包辦半數頭馬。跑法方面，後上馬未必蝕底，好似「旺綵」、「喜寶龍威」、「永勝多」、「星光騎士」及「善寶」都係沿途居中後位置，直路反先對手，但當中除「星光騎士」之外，其餘都係沿途守貼欄或二叠位置留力，走外叠轉彎始終較吃虧。
馬匹：第三場「新界福星」及第五場「喜寶龍威」正是於3月27日谷草C欄贏馬，勝後等番同一移欄再上陣，睇部署應有心添食，雖然排檔唔算好，但只要出閘後及時切入內叠，仍有力爭勝。此外，尾場「龍騰虎震」前仗初跑谷草C欄即打開在港勝門，重返強項兼抽得三檔好位，隨時可以回復表現。