內房股龍頭萬科主席王石周日出席昆明一個活動時，講起行賄呢個題目，指「房地產商是很容易入獄，受賄也是很容易判刑」，重點係，佢話因為自己唔行賄，所以攞唔到靚地，即係純粹想讚自己。
王石經常將唔行賄掛喺口邊，以往出席論壇、大學演講，都會借機會強調兩句。據講，佢喺大學講完又講，由十幾年前只有三分一大學生信佢，變成𠵱家大部份人都佩服佢。
堅守原則 引以自豪
之不過，香港人一直堅守不貪不賄呢個原則，佢引以自豪，香港人只會感到莫名其妙！
同場另一位內房老闆萬達董事長王健林，就顯出真性情，集團旗下大連萬達商業早排入股恒力商業地產（169），佢笑住話「腦子又沒問題，不是為了上市，買香港公司幹甚麼？」但佢又係講最老套嗰句，話上市唔係缺錢，希望激勵小股東同管理層喎，有冇人信呢？