10年前的潮語：旺地恒，即旺角地鐵站的恒生銀行等，約會指定地點；再上一個年頭的地標便是「五枝旗杆」，外加一句「不見不散」。
今天當然是「不見即散」，或者「一見即散」，如果是網友約會，遠處看見人形妖獸，毋須戴3D眼鏡也有逼爆效果，簡直要疏散人群。
今天幾時約人還會講一句「今晚七點旺地恒」？誰還巴巴的儍儍的原地呆等？你未到，我不如先逛一會，反正有手機有WhatsApp有微信，到時再改約會地點，又或者根本無約會地點。「行住等，你喺邊頭，信和？OK我𠵱家行過嚟，轉彎到啦，我喺沙田，轉彎就到啦。」還是call機的年代，大家守株待兔，不遷不拆，黃子華2000年左右唱了一首《等到發花癲》，芝See菇Bi填詞，其中有一句「又玩乜飛線/你話過機主知我等到發花癲」，嘩﹗好陌生的名詞：「機主」、「飛線」，那還是打俾call台留言叫機主「去死啦」的等待年代。無電話，只能等，你唔出現我真係唔知去邊到meet你，唯有「振奮地入場面貼面/我卻在大門外吹煙/獨坐兩眼發青光」，唔等唔知時運到。
試過約朋友一起吃早餐，但電話由早餐打到午餐甚至過埋三點三，朋友電話完全處於關機狀態，由於對方窮得太緊要，我們無人想過他會被人標參，所以除了亂豎一陣中指，無人介意對方的甩拖。
直至宵夜時，我們才發現：原來他在我們FB留了一段message，「對不起，我唔見咗個電話，無晒你地冧巴，我今朝嚟唔到，下次再見。」
很好，只怪我們不是FB成精的人，沒有去到一分鐘不FB便「非死不可」的地步——「非死不可」，台灣Facebook的普通話諧音也。