「火箭」重新發射，都係咁勁！講嘅係「火箭」奧蘇利雲，呢名英格蘭桌球手喺休養1年之後復出，於上周六嘅世界桌球錦標賽首圈，就以10:4輕取蘇格蘭嘅甘保，向衞冕之途順利踏出第一步。「火箭」賽後話，佢其實唔係因為厭戰而決定小休，而係想向世界桌總表達不滿，因為世界桌總要求每個球員都要簽署合約喎！