波士頓馬拉松發生連環爆炸將近一周，快樂終點變成慘劇現場，美國總統奧巴馬引用聖經，勉勵悲傷國民，要心存忍耐，繼續跑，化悲憤為力量。
寶雲道出發 淺水灣折返
曾經喺2010年參加波士頓馬拉松嘅恒生銀行（011）公關主管張樹槐（水哥），上周六早上，聯同一班全馬鐵腳跑友，齊齊穿上波馬戰衣，喺中半山寶雲道出發，跑至淺水灣後折返，以跑半馬方式，悼念波士頓馬拉松死難者，兼傳承馬拉松永不放棄精神。
六位有心人，來自資訊科技、商界、法律同人力資源等界別，當中包括莎莎（178）公司秘書曾細忠（左二），位位都有全馬兼毅行者戰績，足迹遍佈京都、悉尼、廈門、濠江等全馬賽道；跑過波士頓呢個殿堂級世界賽，除咗水哥，仲有頭戴白色帽嘅猛男。