阿仙奴中場韋舒亞諗住喺今夏做手術，根治足踝傷，可能缺席英格蘭喺5月29日迎愛爾蘭同6月2日征巴西嘅友賽；消息話佢其實可以唔做住，只係兵工廠領隊雲格希望英軍唔好選佢踢呢兩場，等佢喺季後休息。另外，佢隊友阿迪達喺上周六贏富咸場英超，俾對手中場薛維爾踩傷足踝，事後檢查韌帶有事，未知唞幾耐。