喺倫奧之後，美國泳手洛捷迪就越嚟越紅，而佢自己嘅真人騷《洛捷迪會點做》（What Would Ryan Lochte Do）仲會喺本周首播。從節目嘅宣傳片段中所見，洛捷迪似乎都幾浮誇吓，展出自己嘅150對鞋，其中仲不乏係佢自己設計嘅；但最搞笑嘅係，呢啲鞋嘅鞋底都有洛捷迪大大個名，咁如果着住嚟行街，咪即係俾人踩住囉！