李彩華（Rain）、盧巧音與未婚夫Sammy及混血名模Mandy Lieu前晚出席灣仔會展的音樂活動，Rain透露將返內地拍兩部電視劇，分別與張衞健及韓星金善雅合作：「H7N9都幾驚，因為會去杭州、上海，會帶定清潔用品。」提到她於內地跳水節目一撻成名，她說：「其實都冇乜希望，練嗰時都病，上台時已經空白咗，跳嗰時壓水動作都唔記得，後面大腿瘀晒。」提到范冰冰婉拒邀請，Rain說：「覺得佢靚女，唔參加有佢原因。」跳水節目呼籲整容藝人不要參加，她說：「不嬲都冇整，如果有整，胸撻落水都會爆啦。」
盧巧音透露忙為雷頌德及Kolor音樂會準備，問到婚禮進度？她說：「婚紗相影咗，喺影樓影，留番度蜜月再影，未知去邊，𠵱家等長輩擇日，應該係今年，婚後會繼續工作，生BB就隨緣。」
採訪：林嘉慈
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/