無綫和四大唱片公司破冰後，前晚在將軍澳電視廣播城舉行了首個合作的音樂節目《音樂在綫 Mega Live》，參與演出的歌手包括李克勤、連詩雅、周柏豪、官恩娜與及久未在無綫節目獻唱的陳慧琳（Kelly）等。談到重返無綫的感覺，潮媽Kelly說：「感覺有啲陌生又有啲熟，但係我兩個仔喺電視見到我嘅感覺唔大，如果佢哋大個咗有興趣，或者帶佢哋入嚟參觀吓！」
稍後曾志偉將會為無綫開拍新劇，問到Kelly有否興趣？她笑說：「如果志偉親自叫到我可以考慮吓，不過最好做路人甲，可以快啲收工！」
Kary陪樂媽食飯
曾經因為簽約華納而遭無綫雪藏的官恩娜大賣口乖說：「我哋一向都冇嗰啲嘢，樂小姐唔會咁小器，有機會嘅話，梗係希望可以再拍劇，如果佢賞面，請佢飲茶食飯都冇所謂。不過我冇諗過可以再入嚟停車場，差啲諗住將停車證裱起留念。」
性感上陣的吳雨霏（Kary），被問到有否擔心身在美國的男友余文樂，她尷尬地說：「都有溝通嘅，相信𠵱家已經受到控制，最緊要佢出入小心啲。」
曾經有指她與余媽媽結伴探班，今次樂仔有否叮囑她單獨探班，Kary尷尬地說：「我啲工作好忙，但係有時都會搵佢媽媽食飯，其他唔講喇，我今日講咗好多。」李克勤透露邀請陳慧琳和其他環球歌手為《決戰一分鐘》做嘉賓。
採訪：文國駿
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/