有仇必報似乎係泰利嘅宗旨。泰利喺2012歐國盃前，因為曾經喺英超比賽種族歧視辱罵安頓費迪南，英足總都唔撐佢褫奪咗佢嘅隊長職務，泰利就自然好唔妥足總主席伯恩斯坦。話說上星期五歐洲足協舉行歐聯獎盃移交，代表車路士出席嘅泰利，見到伯恩斯坦實行當佢透明，拒絕握手。另外，車路士嘅官方Twitter，關注人數已達200萬人，班球員仲特登拍片向球迷致謝。