【碼頭風雲】
【本報訊】碼頭工潮膠着，支援團體因應外判商結業避加薪賤招，呼籲市民罷買李嘉誠旗下店舖、產品的行動升級。繼早前罷買百佳後，昨再到旺角西洋菜南街豐澤電器門外設街站，拉起橫額及在櫥窗及招牌貼上「杯葛」海報。不少市民響應，指「李氏王國」剝削港人，對工人苦況感同身受，力撐罷工工人。
從事設計業的鄧先生直指「李氏太過份」，樓盤常被踢爆發水，旗下百佳超市不時有假優惠，「唔係一次半次，市民不斷被剝削感同身受，所以先咁多人撐（罷工）」。
外判商真係好賤格
鄧先生斥HIT「大石壓死蟹」，利用外判商制度壓榨工人，「好明顯（外判商）只係影子，HIT先係幕後老闆，所以執咗佢再搵第二間就得，唔需要同你傾」。他慨嘆小市民難與大財團對抗，批評政府坐視不理，「政府肯畀壓力一早解決到啦，但佢唔畀」。
學生李小姐認為外判商無良，寧願一拍兩散，也不願給工人合理工資，「真係好賤格」。她會身體力行罷買百佳，亦支持工人繼續罷工，「要正視問題，就算最後未必100%爭取到想要薪水，起碼畀市民知道原來（碼頭）係咁黑暗」。
各界支援碼頭工人罷工後援會發言人莊嘉煒指，罷買行動將繼續升級，呼籲市民以行動顯示打破財團壟斷的決心。今午他們將再到旺角所有長和系旗下店舖示威。