雖然有波士頓馬拉松爆炸慘劇嘅陰霾，倫敦馬拉松周日亦如期舉行；跑手亦都開始忘記波士頓嘅慘痛，準備定婚紗、啤酒樽等裝束，參加呢個長跑盛事。倫奧5,000米同1萬米跑金牌、英國跑手法拉亦會參加倫敦半馬，長期居於倫敦嘅法拉，表示倫馬係世界最頂級賽事，亦都相信賽會嘅保安工作，所以完全冇放棄比賽嘅念頭。