英超5月19日收咧，球員可以放暑假，偏偏利物浦前鋒蘇亞雷斯就未得住，因為佢要趕去巴西幫烏拉圭備戰6月嘅洲際國家盃。紅軍領隊羅渣士好識做，批准佢放長啲暑假，唔使踢季前嘅澳洲同泰國之旅。另外，紅軍周四同贊助商Jack Wolfskin續約3年；呢個德國戶外用品品牌喺2010年同紅軍合作，近幾年越來越多人識，難怪添食啦！