【銅鑼灣】近日轉咗經理人公司嘅黃秋生，之前喺金像獎對住杜汶澤講嗰段「下刪三千字」嘅講稿，真係好睇過棟篤笑。其實秋生私底下都好開懷，好似前日下晝6點鐘，佢同曾經傳過緋聞嘅女助手阿Moon喺銅鑼灣行街濕平就全程笑容滿面。
佢哋先去到city'super睇一款用布袋包裝嘅牛肉麵，不過最後都冇幫襯。跟住佢哋轉咗去其他舖頭睇洗頭水，應該係此行嘅主打，因為佢哋真係睇咗好耐，唔知秋生係咪有中年男士脫髮嘅煩惱，皆因佢揀得真係好仔細，前後去咗三間舖頭至買到心頭好。
採訪、攝影：梁繼光
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/