佔中與否，不在長上，只觀良心。對於早前有牧師指信徒不應因改革政制而公民抗命，天主教香港教區榮休主教陳日君樞機表示，公民抗命的合理性不僅限制於信仰或生存權利受威脅時，因為人生存也要有尊嚴，這包括有民主權利：「信徒有先知角色呢個責任，教友如果唔鍾意做，唔鍾意遊行，得，咁你咪去做服務囉，但如果有人參加，你唔好反對囉。」
中國基督教播道會港福堂牧師吳宗文早前撰文，引用《聖經》指，除非信仰或生存權利受威脅，否則公民抗命並不可取，呼籲信徒順服掌權者。陳日君昨出席浸會大學新聞與社會研究所的講座時表示，不應狹義界定生存權利：「生存都要有生存嘅尊嚴，包括人權，我唔知點解佢將公民嘅條件局限喺呢兩樣嘢。廣義嚟講，生存權廣義應該包括有民主嘅權利。」
他認為，佔中牽涉多個步驟，實際行動只是最後一步：「可能啲人畀個名嚇親，成件事𠵱家只係討論階段，信徒應該參與討論。」他指佔中發起人和平並「講道理」，值得支持：「佢哋係想搜集大家嘅意見，再決定做乜嘢，可能到最後唔需要佔領中環都唔定，又可能佔中無用，要升級都唔定。」
撐政府反抗議可笑
他又指，即使牧者不鼓勵佔領中環，也應該鼓勵教友參與政制改革討論，對於現任主教湯漢樞機不支持佔中行動，陳日君說大家可有不同意見，但首要是不要將公民抗命視作不對的行為，「我哋信徒平時趨向良善、和平、好聽話……天主教會入面，甚至唔少神職界都會覺得陳主教、正委太過政治化，呢啲講法無乜出奇，傳統上有咁既偏向，尊重權威，但係好肯定𠵱家教會正式嘅諗法唔係咁。」
陳日君認為，2017年普選是大是大非問題，「其他嘅嘢我可以唔使出聲，但呢樣嘢每個香港公民都有份，都應該出聲，其實我個人唔單止失望，我好無奈㖭，我81歲㗎喇，我估我見唔到普選既日子。」他又承認，憂慮有人混入佔領中環行動搞事，尤其近期有一股所謂的愛港勢力在搞破壞。他續稱，很少見到幫政府的反抗議團體，認為這情況可笑亦可悲。