嫁往台灣多年做少奶奶的李美鳳，昨日在中環出席法國品牌Lanvin新店開幕，穿單肩貼身裙子，輕輕谷胸，性感迷人。她與品牌創作總監Alber Elbaz合照時，Alber熱情地攬腰、搭膊，李美鳳遇偶像大呼開心，激讚對方可愛，自認是忠實粉絲：「我受西方教育，有少少摩登、西化，同佢啲英雄戰鬥式服飾好襯，上兩個月去泰國參加外甥婚禮都着佢嘅金色洋裝。」
玩滑水痛足7日
李美鳳順道在泰國度假，參觀了曼谷大皇宮，問到有否穿比堅尼？她說：「有，同囡囡一齊着，同囡囡互望，唔知有冇人望。」她還透露與丈夫鄭翔中及一對子女到沙巴，慶祝結婚17周年：「老公有taste，送scarf畀我。仔女已經14、15歲，帶佢哋去旅行，等佢哋睇吓父母幾恩愛。」但她大嘆與年幼子女同行，需要很多體力上山下海：「我負責同佢哋滑水，十幾年冇滑，怕起唔到水好瘀，好彩最後都得。玩咗一個鐘，痛足7日，按摩三次都唔掂。老公負責玩激流，我冇膽。」她表示子女4年後讀大學，故爭取現時的親子機會，並笑說子女長大後不再陪伴她：「到大學有男、女朋友，我可能變咗係walking credit card（流動信用卡）。」
李美鳳結婚17載，問起夫妻相處之道，她樂於分享：「未結同結咗唔同，結咗婚要多體諒、遷就，冇初初熱戀咁恩愛。」盛傳熊黛林與郭富城因小三而分手，問李美鳳如何防小三？她說：「冇得防喎，睇佢有冇良心。」她從不懷疑老公有小三，讚老公有良心，自己盡力遷就，互相信任，如果無故起疑心是有病。問有何招數𠱁老公？她說：「我都幾識幫人按摩㗎！」
採訪：盧妹
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/