強國地主在改革開放時還是奀仔，經過30年來養尊處優的生活，體重不斷飆升，但營養不良的仲有好多，阿爺見民怨四起，叫班肥仔揀過第二個地方搵食，不少內房近年衝出強國，中國海外（688）活躍本港樓市，龍頭萬科近排「購物mode」全開，分別在本港、三藩市和新加坡開疆闢土。
做開寫字樓開發的SOHO中國（410）都知道問題所在，舊年宣稱要改行做「包租公」，但由於體積比較龐大，轉身比較慢，最新公佈業績繼續難看，銷售目標連續兩年未達標。論轉身快，點都唔及輕身上路的地產代理，有位代理姐姐學黃子華作出結構性轉型，唔係隆胸，係隆躉。
大陸傳媒報道，有位北京賣樓小姐用6萬幾人仔做豐臀手術，前後3次打入共1,000毫升填充物，希望做到「前凸後翹」的性感目標，當然出咗事——腰有腫塊，裙都着唔到！話說佢之前已做了廿幾次整形手術，她嘆樣靚和身材正先傾到單，今時今日咁嘅服務態度，好頂爛市啫！
Samantha
本欄逢周三、五刊出