出售台灣壹傳媒交易告吹，但員工過去一直憂心編輯自主和勞動權益因集團易主而受影響，所以五個月前台灣《蘋果日報》工會同資方開始協商，近期終於達成共識，噚日正式簽訂「編輯室公約」，確保台灣《蘋果日報》編輯自主和新聞自由，成為台灣傳媒界首份具有團體協約效力嘅編輯室公約。
呢份編輯室公約合共有6章、35條，規範勞資共同維護台灣《蘋果日報》公正客觀，不受黨派、商業或利益團體左右，強調任何一篇報道都不能被收買，亦都唔會刊登偽裝成新聞嘅置入性行銷，而且工會仲有權代表編輯部員工指出總編輯嘅重大違誤，可要求總編輯正式回覆。