（怒）周日英足盃4強曼城險勝車路士晉級，但前鋒阿古路雙腳踩落對手大衛雷斯就受非議。大衛雷斯喺賽後都相當不滿，話阿古路至少都應該同佢講聲對唔住。阿古路事後都知衰，日前喺佢Twitter度留言話已經道咗歉：「我已經搵咗大衛雷斯傾幾句，為當時發生嘅事致歉，今次事件純屬意外，我保證唔會再發生。」