宅男教父項明生（James），搞機（遊戲機）之餘，近年變身旅遊達人。
近日北韓聲稱會發射導彈，局勢一度緊張，但原來項明生年多前去過北韓，仲偷影咗幾百張相。
唔畀影「不美好照片」
話說佢喺網上號召網民約20幾人組團到北韓，一落機，即有領隊貼身「保護」，唔畀佢哋亂影相，「導遊話唔可以影啲『不美好照片』。團友去南北韓接壤嘅板門店，導遊警告唔好拎相機出嚟，否則狙擊手唔會客氣。嚇到成團人唔敢舉機。」
James有一次偷走出酒店，影到巿面「唔美好嘅」相，好似幾十人爭坐貨車，當正架車係巴士，「見到橋頭有機關槍隊都照影。」
極權國家之旅有驚無險，下周五晚佢會喺誠品分享此行體驗。