俾人叫做「樂壇小強」嘅阮民安（Tommy）成日俾人踢爆爭人錢，不過佢呢隻不死小強冇有怕，前晚又出動去圓方睇《天煞逆緣》首映，點知昔日好友喇英前晚喺沙頭角為電影《爆3俏嬌娃》宣傳時就率先爆料，事緣Tommy爭佢老豆五萬蚊裝修費，點知報道出街後，Tommy唔還錢之餘，喇英仲收到Tommy嘅whatsapp留言話「再係咁會玩大佢」，聽落有啲恐嚇成份呢。
Tommy前晚冇否認，只係迴避話：「我將我想講嘅嘢whatsapp畀佢，佢冇覆我，我哋中間有好多嘢，越講越亂，當日仲有其他人喺度，佢都冇證據啦！佢咁精采我咪回應吓，唔好作古仔同做宣傳。」
死極死唔去
Tommy仲話冇當過喇英係朋友，其實佢到底仲有冇朋友呢？佢話：「吓，我明白好多人邊度有着數去邊度，我私生活唔使同大家交代。」仲讚小強個名係一種力量，連朋友都覺得佢死極都死唔去。
而喇英就覺得大家曾經係朋友，唔使行到呢步，不過佢最不屑係Tommy竟然將糖妹扯埋落水，又話：「糖妹未入行時幫我哋化妝，只係得幾個朋友知，佢咁講好可恥，做新聞做到連自己爭糖妹錢都作出嚟。」
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/