首富李嘉誠除投資碼頭呢類傳統生意，私人亦投資好多科技項目，佢曾自爆賺得最多錢唔係facebook，而係06年喺瑞典創立嘅串流音樂公司Spotify。Spotify近日登陸香港，港人多個渠道免費聽歌，不過港人更關心喺長江中心外面紥營嗰班碼頭工人，幾時有渠道同資方溝通。
48蚊月費 好歌任聽
Spotify風行歐美多時，用戶上網安裝軟件登記埋就可以免費聽歌，當中夾雜廣告；肯畀月費港幣48蚊，就可以透過手機聽歌。登陸香港後陸續加入本地歌曲。
誠哥早於08、09年透過創投基金維港投資，聯同其他基金向Spotify投資逾3.9億元，當時Spotify估值約20億元，舊年融資時，估值爆升到234億元。誠哥求其一個投資都有點石成金之效，點解唔出手化解碼頭工潮，要班工人冒雨瞓街咁耐呢？