（喜）今年夏天喺美國將會舉行一個星光熠熠嘅足球賽事，參賽球隊包括皇家馬德里同埋祖雲達斯等。呢個季前熱身賽總共有8支球隊參加，除咗洛杉磯銀河之外，其餘7隊都係歐洲勁旅，包括祖雲達斯、國際米蘭同埋剛確定參賽嘅皇馬，其餘幾隊會喺之後陸續公佈。賽事會先喺紐約同洛杉磯等不同城市進行初賽，最後4場決定名次嘅賽事就會喺邁阿密進行。