公民黨主席余若薇Audrey星期日（4月14日）膽粗粗，落去自由神多過香港人嘅旺角行人專用區，出席由華人民主書院搞嘅佔領中環論壇。由於愛港力陳淨心率領嘅戰隊喺論壇前一日大鬧城大，好多人估淨心怪獸戰隊會再出動，點知最後no show，搞到事前做好論壇被腰斬心理準備嘅Audrey，都猛話有啲意外。
佢笑笑同八方講，當日仲以為可以好快就搭番地鐵過海返屋企，點知咁鬼順利，真係估佢唔到。莫非Audrey都想一睹淨心BB出擊嘅風采？
Audrey雖然唔再喺議會，但一樣好忙，呢排日日現身法庭，假日都唔輕鬆㗎，事關要出席大大小小論壇。