八方噚日寫民政事務局副局長許曉暉嘅facebook公開徵召各路機構，贊助今年國慶煙花，結果俾網民鬧爆「冇人性」，唔記得舊年十．一海難導致39人死亡嘅「港殤」，淨係掛住擦北京鞋。
許曉暉唔知係被人「鬧醒咗」，抑或知死？立即喺facebook補鑊，自稱對舊年海難深表難過，仲話今年嘅國慶活動會考慮各方面意見。雖然有「悔意」，但有網民再留言，鬧佢若果真係要悼念海難死者，梗係立即停放煙花，唔知許曉暉仲要考慮乜嘢？仲有網民話，就算要放煙花，都要喺之前搞個莊嚴而隆重嘅儀式，悼念南丫島海難嘅死難者，唔好淨係掛住國慶！