【熱潮未退】
細行金條繼續被搶購一空！繼前日全城瘋搶黃金後，市民趁低吸納的熱情仍未減退。記者昨到上環老字號的利昌金舖觀察，發現1両及5両的金粒金條在下午3時已全數售罄，只餘下重1公斤價值30多萬元的大金塊，每両金價更跌穿1.3萬元！
「見佢咁平 當儲錢」
利昌金舖專出售自家製金粒金條，前日已有大批市民前往搶購，職員表示，「噚日（周一）收舖前都未賣晒，但今（昨）日已經冇晒1両同5両嘅金，得番1公斤嘅大金，你要唔要？」職員隨即按計數機展示每両金價為12,961元，並指出，「你過幾分鐘嚟，個價又可能變！」說畢，職員用牛皮紙將最後一批金粒包裝好售給黃女士，她向記者透露購買了16両金粒，「見佢咁平，買16両都唔使21萬，當儲錢！」現場除了內地客及港人，亦有外籍人士查詢金價，名副其實全城炒金！
記者隨後到中環及銅鑼灣各大金舖觀察，發現仍有大批顧客圍在金飾專櫃前，職員表示，昨日最多自由行選購龍鳳鐲，本地客則專揀金粒和金幣。