韓國馬舞大叔PSY憑一曲《江南Style》紅爆全球，相隔9個月，佢上周六正式推出新歌《Gentleman》，同《江南Style》一樣，新歌一出，PSY所屬經理人公司同佢阿爸間半導體設備公司股價齊齊抽升，創半年新高。
《Gentleman》個MV同曲風俾人感覺都幾似《江南Style》，推出幾日，噚晚喺YouTube點擊率超過9,400萬，能否挑戰《江南Style》15億點擊率言之尚早。
股民對PSY好有信心，可能估佢紅開有條路，新歌一樣可以爆紅全球，刺激PSY所屬經紀公司YG娛樂連升兩日，較上周五新歌發表前，累升16%，收報86,600韓圜。
PSY爸爸間DI Corp仲誇張，兩日累升32%，收報8,840韓圜。呢個效應拍得住秋官。