警察周不時會喺鏡頭前向公眾發放消息，但原來有啲大Sir對下屬上鏡都規矩多多㗎。好似噚日觀塘分區副指揮官張楚榮喺鏡頭前講解繼續尋找19歲專業教育學院學生蔡健孝下落，好簡單一段呼籲啫，唔知點解張Sir都好緊張，未開始講嘢前，先吩咐記者：「可唔可以唔好見到啲咪呀，因為我老細唔想見到咁formal。」吓？扑咪唔見咪牌？咁點收音呀？記者覺得有啲為難，但張Sir再次堅持要記者拉低啲咪牌，免得老細唔高興。嘩，邊個老細咁巴閉呀？你老頂一哥都未試過叫記者咁做啦。到最後，記者咪又係照樣舉咪錄影囉（圖）。