勞特立復出？原來係史雲斯球隊嘅教練團，喺上周四同傳媒精英隊踢咗場衞生波，作為領隊嘅勞特立，自然有份落場啦。呢位已48歲嘅前丹麥國腳，年紀一把但依然好波，而且身材甚「弗」；加上其他教練團成員都有番咁上下波底，場波戰情就梗係一面倒，最後史雲斯贏傳媒11:4；不過老套講句，勝負第2，大家開開心心踢場友誼波先係最緊要。