人稱Sky Sir嘅張士佳，幾年前喺專欄唱好股份，轉頭用老婆戶口出貨但冇申報，結果被證監釘牌30個月兼罰款50萬銀，成為罕見嘅股評人斷正案例。身兼香港股票分析師協會主席嘅AMTD證券及財富管理業務部總經理鄧聲興（Kenny）即刻做嘢，聽日（周三）叫齊會員開每月例會，順便討論呢單嘢。
Kenny話，有會員建議畀封信證監會，要求證監制定更加清晰嘅指引，務求同類事件唔再發生，亦會提醒咁多位行家，以後任何股票申報工夫都要做足。
咁張士佳係咪協會會員呢？話晒都係股評界人士吖，點知Kenny話唔識佢，真人都未見過，佢亦唔係協會會員，完全係利益申報嘅最佳示範。資深股評人陳永陸一開始就被指為協會顧問，以佢咁豐富嘅經驗，應該可以教番後輩幾招喎。