【本報資料】明晚是八日內第三次進行谷戰，天文台預測有幾陣雨，但相信對場地影響有限，估計掛牌仍為好地。
跑法：前日谷草用完A欄，相隔幾日轉用B欄，估計對內叠守好位馬匹有利。先睇10年4月21日賽事，與今戰一樣，都是跑完谷草A欄日賽匆匆轉用B欄跑夜賽，結果明顯利放唔利追；再睇最近3月13日同一移欄賽事，全部頭馬均是守前六位入直路，「小林夜雨」及「好友星威」一放到底，「共創良機」、「開心至愛」及「自成一格」則守二至四位下建功，留得太後難反先。
馬匹：第六場「元豐泰」於最近一次谷草B欄入Q，三次角逐此移欄獲冠亞殿各一，等番B欄再上陣，有力帶到。此外，「馬得利」一戰谷草B欄1200米即取得本身唯一頭馬，重返強項抽二檔換潘頓，可坐位望贏。