有英國報章報道，舊年因為市況逆轉擱置上市嘅「鑽石之王」格拉夫 （Graff），去年盤數相當靚仔，公司向股東派息9.7億元，持股六成嘅創辦人Laurence Graff咁就袋走5.82億。好多新股鍾意喺上市前一年，狠狠派息畀大股東，唔知格拉夫呢次派息係咪同一招數呢？
Laurence於1960年創立格拉夫，專賣名貴珠寶首飾，根據舊嗰本招股書，上市前，佢同太太Anne-Marie Graff分別持有公司60%同40%股權，佢老婆原本打算透過上市沽一批舊股套現逾11億元，之後揸住嘅股份市值都有幾十億，點知上市不成，好夢成空。
唔知係咪公司資產有別於招股時資料，報道指公司舊年盤數好靚仔，格拉夫好多地區嘅銷售創新高，令營業額升11%至54億至，稅前純利升5%，至8.5億元，公司仲諗住今年繼續開新舖。