曾志偉昨日60歲大壽，前晚他做完金像獎後，跟錢國偉、鄭中基夫婦、盧海鵬、兒子曾國祥、女兒曾寶儀等到尖沙嘴出席大會慶功，踏正凌晨12時，大會推蛋糕替他慶祝生日，更獲子女吻賀，問志偉收到甚麼禮物？他說：「個女20歲時我送咗張附屬卡畀佢，今年佢送番畀我。」
昨日志偉在迪士尼搞生日派對，他包了灰熊山谷和反斗奇兵大本營等三個遊戲區，工作人員於下午4時清場，引來遊客不滿投訴，約5時許，曾寶儀、錢國偉、蘇志威、鄧兆尊、錢嘉樂和湯盈盈一家三口、洪天明和周家蔚一家三口、鍾麗淇和孟瑤亦各自帶BB現身灰熊山谷跟米奇、米妮合照。
晚上眾人移師迪士尼樂園酒店食飯，鄧萃雯、鍾鎮濤、陳彥行、佘詩曼及梁家輝夫婦等陸續到賀，雯女說：「志偉話今晚主題做善事，自己都捐錢。」
王祖藍和女友李亞男拍拖到賀，祖藍笑說：「今晚女友揸車可以飲酒，頭先都好驚差啲撞。」張學友和關淑怡則祝志偉身體健康，佘詩曼就說希望可跟志偉去旅行。志偉說：「個個朋友都生B，迪士尼可以闔府統請。今晚唔會俾大家見到我醉樣，佢哋會抬我上房，米奇老鼠會陪我瞓。」同樣生日的黃杏秀願望是身體健康。
採訪：卓寶花、溫敏芝、馬建華
攝影：黃文偉、仇志德