【豈有此理】
九龍東醫院聯網資源嚴重不足，病人惟有等了又等。有患白內障病人輪候兩年半，才可在聯合醫院眼科門診首次見醫生。也有病人擔心「盲咗都未到我」，希望可跨區求診。
居於藍田的83歲好姐，2010年12月在藍田分科診療所診斷為左眼有白內障，醫生轉介她到聯合醫院眼科，但等了29個月至今年5月初才首次見醫生。現時她左眼視力模糊，「睇嘢有啲花」。她說：「窮人係咁呀啦，都冇辦法。」即使醫管局容許跨區求診，她未必願意，「要去咁遠去唔到，點解唔畀多啲資源我哋」。
78歲的徐惠娟去年因心律不正突然暈倒，要裝心臟起搏器；她要每日服10多種藥，定期到聯合醫院家庭醫學專科、心臟科及眼科覆診。她批評聯合醫院醫生不足，「排隊見醫生就3個鐘、見醫生就3分鐘、攞藥就2個鐘」。
「盲咗都未到我」
居於橫頭墈的72歲麥少英，今年一月因眼痛到普通科診所檢查，診斷右眼有白內障，只看到三呎內的影像，日常生活全靠左眼。她獲轉介到香港眼科醫院，竟輪候至明年5月，「離晒譜，醫生都未見過，要等成年幾，盲咗都未到我」。
若醫管局容許跨區求診，她會考慮到輪候時間較短的瑪麗醫院，「應該畀病人周圍走，唔使等咁耐，醫生又唔使咁辛苦」。
《蘋果》記者