生咗個女嘅陳自瑤（YoYo）噚日喺將軍澳做親子比賽評判，近排佢拍緊無綫新劇《巾幗梟雄之諜血長天》，有場俾蕭正楠意圖強姦嘅戲㖭。佢話拍嗰陣蕭正楠太用力，原本只見少少肉，搞到見到成個胸圍，效果好逼真，當時全廠人都呆晒，包括蕭正楠喎！咁有冇同老公王浩信備案呀？YoYo話：「冇呀，佢知我會拍呢場戲，但唔知拍到咁！」