越來越多內地A股搞實物分派。繼南方黑芝麻集團本月初話派芝麻乳，收集股東對新產品嘅意見，量子高科為關懷股東健康，就話派龜苓膏，人福醫藥老闆王學海湊熱鬧，計劃派避孕套。幾時有公司派樓呢吓？
人福話送避孕套
量子高科董事會上周通過，向每位股東派一盒12杯龜苓膏，咁當然係旗下江門市生和堂嘅產品啦，連埋送貨，估計開支100萬人仔，持股5%以上冇份。呢個筆直用來賣廣告都未必有乜效果，家陣實物派畀股東，股東讚或鬧都有聲音，抵晒。
內地網民確實熱話呢類實物分派，例如建議龍湖（960）送別墅、恒大（3333）送豪宅、中聯重科（1157）送泵車。人福老闆就喺微博留言話「人福會送套套」，過幾日即管睇佢點送。